اولا : جهزت صدور الدجاج وغسلتها ونظفتها كويس بالملح والدقيق والليمون والخل وبعد كدة حطيتها فى اناء واضفت عليها بصلة مقطعة وفص ثوم وطمطماية مقطعة وفلفل اخضر مقطع والبهارات (ملح - فلفل اسود وقرفة عيدان وفصين قرنفل وبسيط من الكمون ) وبعدين خليتهم على نار هادية شوية وبعد كدة اضفت ماية لغاية ما نضجت الدجاج وبعد كدة اخرجت صدور الدجاج من الشربة وغسلت كوبين ارز مصرى وعليهم شوية بسلة خضراء وظبط الملح وشوية زيت وخليتة يغلى وبعد كدة خفضت النار لغاية ما نضج
نحضر صينية البطاطس قشرت البطاطس وقطعتها مكعبات واضفت عليها صلصة وفلفل اخضر وبصل مقطع اما حلقات او صغير والبهارات (فلفل اسود - كمون- ملح )وبعد كدة اضفت االشربة ودخلتها الفرن ومعاها صدور الدجاج وخليتها فى الفرن لغاية ما نضجت وبعدين حمرت صدور الدجاج وغرفت الارز وزينتة بالكسبرة الخضراء وجمبها الزيتون المخلل والبطاطس المطبخة فى الفرن
